नागरिक रैबार
बाजुरा २२ माघ ।
नेपाल कम्युनिष्ट पार्टी (नेकपा) माधव प्रचण्ड पक्षले बिहीबारका लागि घोषणा गरेको आमहड्तालको बाजुरा जिल्लामा भने खासै प्रभाव देखिएन । तर, लामोदूरीका यातायात भने चलेका छैनन् ।
जिल्लाका अधिकाँश बजार, शैक्षिक संस्था, सरकारी तथा गैर सरकारी कार्यालय सबै सञ्चालनमा आईरहेका छन् । लामो दुरिका यातायात सञ्चालन नरहेपनि छोटो दुरिका यातायात सञ्चालनमा रहेका छन् । सदरमुकाम मार्तडीमा रहेको बजार, कोल्टी बजार र साँफे मार्तडी सडक खण्डमा रहे भएका बजारहरु बिहानदेखि सञ्चालनमा रहेका छन् ।
सदरमुुकाम मार्तडीमा नेपाल प्रहरी, सशस्त्र प्रहरीको बाक्लो उपस्थित भएपनि प्रचण्ड समुहको भेला जुुलुस केही नरहेको पाईएको छ । बुधबार आयोजना गरेको पत्रकार सम्मेलनमा यातायात, पसल, उद्योग व्यवसाय, कलकारखाना र शिक्षण संस्था बन्द हुने जानकारी गरेको थियो ।
(नेकपा) प्रचण्ड माधव पक्ष बाजुराका नेता पुर बहादुर रावतले भने बजार बन्द गरेर जनतालाई दुख दिन मनसाय नरहेको र केपी सरकारले गरेका असम्बैधानिक कदमको बिरोधमात्र गरेको बताएका छन् ।