नागरिक रैबार/बाजुरा २० जेठ। बाजुरामा बैशाख २२ गतेबाट जारी गरिएको निषेधाज्ञा थपिएको छ । विहिबार जिल्ला प्रशासन कार्यालय बाजुरामा बसेको जिल्ला कोभिड संकट व्यवस्थापन केन्द्रको बैठकले जिल्लामा थप ११ दिन निषेधाज्ञा लम्ब्याउने निणर्य गरको हो । जिल्लामा कोरोना महामारी र संक्रमण दर यथावत रहेकाले फेरी पनि निषेधाज्ञा थप्नु परेको प्रमुख जिल्ला अधिकारी गोपाल कुमारी अधिकारीले बताएका छन् ।

जिल्लामा कोरोनाको संक्रमण दरमा कमि नआएकाले सबैलाई सुरक्षित रहन र निषेधाज्ञाको पुणर् पालना गर्न प्रशासनले जिल्लाबासीलाई आग्रह गरेको छ ।बाजुरामा हालसम्म कोरोना संक्रमितको सख्या ५ सय ५२ पुगेको छ । आज ६४ जनाको एन्टिजेन बिधीबाट परिक्षण गर्दा २३ जनामा कोरोना संक्रमण देखीएको स्वास्थ्य कर्यालय बाजुराले जनाएको छ ।

त्यस्तै बाजुरामा निको हुनेको सख्या ३ सय ४४ पुगेको छ । हाल सम्म्म १ सय ७९ जना सक्रिय संक्रिमीत रहेका छन । हाल सम्म १ हजार ४ सय ३ जनाको कोरोना परिक्षण गर्दा ५ सय ५२ जनामा कोरोना पोजेटिभ देखीएको स्वास्थ्य कार्यालय बाजुराले जनाएको छ । हालसम्म जिल्लामा ९ जना कोरोना संक्रमितको मृत्यु भईसकेको छ । संक्रमित मध्ये १ सय ९० जना होम आइसोलेशन र ११ जना आइसोलेशनमा रहेको स्वास्थ्य कार्यालय बाजुराले जनाएको छ ।

विज्ञापन