नागरिक रैबार/बाजुरा ६ असोज। नेपाल कम्युनिष्ट पार्टी (नेकपा) बडीमालिका नगर संगठन कमिटीले नगरपालिकाका शाखाहरुसंग अन्तरक्रिया गरेको छ ।

मंगलबार नेकपा बडीमालिका नगरसंगठन कमिटीले एक औपचारिक कार्यक्रमको आयोजना गरेर नगरपालिकाका शाखाहरुले चालु आर्थिक वर्षमा विनियोजन गरेका योजना र वार्षिक बजेटको कार्यान्वयनका बारेमा अन्तरक्रिया गरेको हो ।

स्थानीय तहमा जनप्रतिनिधि आईसकेपछि वर्षेनी विनियोजन हुने बजेट र कार्यान्वयन भएका योजनाहरुको प्रगति बारे कर्मचारीहरुसंग छलफल तथा अन्तरक्रिया गरेको नेकपा बडीमालिका नगर कमिटीका सचिव चन्द्र थापाले बताएका छन् ।

विज्ञापन

अन्तरक्रिया कार्यक्रममा नगरपालिका अन्तरगतका शाखाहरु पशु, कृषि, महिला बालवालिका, स्वास्थ्य, शिक्षा तथा खेलकुद विकास र प्रधानमन्त्री रोजगार कार्यक्रम लगायतका शाखा प्रमुखहरुले हालसम्म नगरपालिकामा भए गरेका काम बारे नगर कमिटीलाई जानकारी गराएका थिए ।

नगरपालिका भित्रका शाखाहरुका लागि नगरपालिकाले विनियोजन गर्ने वार्षिक वजेट र बजेटको कार्यान्वय बारे शाखाका कर्मचारीहरुसंग छलफल समेत गरेको छ ।

नगर कमिटी अध्यक्ष वीरबहादुर रावलको अध्यक्षतामा संचालन भएको कार्याक्रममा प्रमुख अतिथि नेकपा बाजुराका कार्यालय सदस्य गगन रावल रहेका थिए । कार्यक्रममा नेकपा बाजुराका सचिवालय सदस्य मानबहादुर विक, नगर कमिटीका पदाधिकारीहरु र नगरपालिका अन्तरगतका शाखाका कर्मचारीहरुको सहभागिता रहेको थियो ।