एक्सन नायक विराज भट्ट स्टारर चलचित्र “साङ्लो” आजबाट देशभर एकैसाथ प्रदर्शन हुने भएको छ।

गीत र ट्रेलरलाई अत्याधिक रुचाएका दर्शकको “साङ्लो” हेर्ने प्रतीक्षा अन्ततः आजबाट समाप्त भएको छ। पछिल्लो समय कमेडी र लभ स्टोरी जनरामा बनेका चलचित्र हेर्दा हेर्दा आजित बनेका दर्शकलाई एक्सनसँगै कमेडी अनि लभस्टोरी जनरामा बनेको “साङ्लो” हेर्ने बेग्र प्रतीक्षा थियो।

विराज भट्ट फिल्मसको ब्यानरमा “साङ्लो” निर्माण भएको हो। बिराजकै निर्माण, निर्देशनमा बनेको चलचित्रमा बिराज र पुर्व मिस नेपाल निकिता चाण्डक भुमिकामा रहेका छन। निकिताले यसै चलचित्र मार्फत डेव्यु गरेकी हुन।

विज्ञापन

किड्नी तस्करीको कथालाई चलचित्रमा उठान गरिएको छ। चलचित्रको कथा शिवम अधिकारीले लेखेका हुन।चलचित्रमा विराज र निकिताका अलवा जयनन्द लामा, प्रकाश शाह, कामेश्वर चौरासिया, शिशिर भण्डारी, आर.पि. पन्त, अमीत गिरी, लय संग्रौला, भिष्म जोशी लगायतका कलाकारहरुको पनि अभिनय रहेको छ।

मानकृष्ण महर्जनले खिचेको चलचित्र काठमाडौं र सुदुरपश्चिमको डोटिमा छायांकन गरिएको हो। चलचित्रमा अष्ट महर्जनको द्वन्द निर्देशन छ। रामजी लामिछाने र कविराज गहतराजको कोरियोग्राफी रहेको चलचित्रलाई अर्जुन जिसीले सम्पादन गरेका हुन।

लामो समयपछि नेपाली चलचित्र क्षेत्रमा कमब्याक भएका विराजको साङ्लो हेर्न हलहरुमा यतिबेला दर्शकहरुको बाक्लो उपस्थिति रहेको छ। वास्तवमै साङ्लो कस्तो रहेछ त? यो त आज दिनभर हेर्न जाने दर्शकको प्रतिक्रियाले बताउनेछ।

चलचित्र अन्य भन्दा बिल्कुलै फरक प्याकेजमा निर्माण भएकोले दर्शकको राम्रो साथ मिल्नेमा आफू विश्वस्त रहेको नायक तथा निर्देशक विराजले जनाएका छन।