प्रेस स्वतन्त्रतालाई खुम्चाउने प्रयास भएको छ : देउवा
समाचार
प्रेस स्वतन्त्रतालाई खुम्चाउने प्रयास भएको छ : देउवा
नागरिक रैबार
शनिबार, असार १४, २०७६
अ
अ
अ
काठमाडौँ — नेपाली कांग्रेसका सभापति शेरबहादुर देउवाले सरकारले वाक, अभिव्यक्ति र प्रेस स्वतन्त्रतालाई खुम्चाउने काम गरिरहेको आरोप लगाएका छन् । शनिबार राजधानीमा आयोजित एक कार्यक्रममा बोल्दै सभापति देउवाले सरकारले प्रेसलाई कमजोर बनाउन लागि परेको बताए ।
उनले भने, ‘प्रेसलाई कमजोर बनाउनु भनेको मुलुकलाई अधिनायकवादको दिशातर्फ उन्मुख गराउनु हो । ‘
पूर्वप्रधानमन्त्री समेत रहेका देउवाले भने, ‘सरकारले जनतालाई ठूलो करको भार थोपरेको छ, यसबाट जनताले निकै सास्ती खेप्नु परेको छ ।’
विज्ञापन
लोकतन्त्र र संविधानले सुनिश्चित गरेका गतिविधिलाई अंकुश लगाउने काम नगर्न सरकारको ध्यानाकर्षण गराउँदै उनले नेपाली कांग्रेसको नेतृत्वमा रहेका स्थानीय तहमा जनतालाई आर्थिक भार पर्ने कुनै पनि कर नलगाउन पार्टीपंक्तिलाई निर्देशन दिए । नेपाली कांग्रेसका नेता एवं पूर्व सूचना तथा सञ्चारमन्त्री मोहनबहादुर बस्नेतले मुलुक संघीयतामा गएसँगै सिंहदरबारको अधिकार गाँउ-गाँउमा पुर्याउने भनिएकोमा अहिले बालुवाटर केन्द्रित गर्ने प्रयास भइरहेको आरोप लगाए । कान्तिपुरबाट
फेसबुक प्रतिक्रियाहरु