काठमाडौं- नेत्रविक्रम चन्द ‘विप्लव’ नेतृत्वको नेकपाले उपनिर्वाचन बहिस्कार गर्ने जनाएको छ। पार्टी महासचिव विप्लवले विज्ञप्ति जारी गर्दै उपनिर्वाचनलाई ‘सशक्त बहिस्कार’ गर्ने उल्लेख गरेका छन्।

विज्ञप्तिमा सत्तारुढ दलको कार्यक्रममाथि प्रतिबन्ध लगाउने चेतावनी दिइएको छ। विज्ञप्तिमा भनिएको छ, “यो सरकारले हाम्रो पार्टीमाथिको प्रतिबन्ध नहटाएसम्म उपचुनावको कार्यक्रममा सरकार र सत्तामा सामेल पार्टीहरुको गतिविधिहरुलाई लगाउने निर्णय गरेको छ।”

सर्वसाधारणलाई उपचुनावमा सहभागी नहुन आग्रह गर्दै विप्लवले आफ्ना कार्यकर्तामाथि दमन नगर्न सुरक्षा निकायलाईसमेत आग्रह गरेका छन्।सीमा विवादमा सरकारले प्रतिवाद गर्न नसकेको भन्दै विप्लवले सरकारको पनि आलोचना गरेको छ।

विज्ञापन