नागरिक रैबार/बाजुरा २६ असोज । नेपाल कम्युनिष्ट पार्टी (नेकपा) गौमुल गाउँ कमिटीका सदस्यहरुले आइतबार शपथ ग्रहण गरेका छन् ।
गौमुल गाउँपालिकाको घटमुनामा आयोजित एक कार्यक्रमका विच गौमुल गाउँ कमिटीका ७५ सदस्यहरुलाई नेकपा बाजुरा जिल्ला कमिटी सचिव भरत बुढाले सामुहिक रुपमा सपथ ग्रहण गराएका हुन् ।

शपथ ग्रहण कार्यक्रममा गाउँ कमिटीका सदस्यहरुले जनताको जनमतलाई कदर गर्दै गाउँ कमिटीले नेकपा पार्टीलाई एकढिक्का बनाएर जनताको चाहाना अनुसार अघाडि बढ्ने र पार्टीको विधि, विधान अनुसार पार्टीलाई आगामी दिनहरुमा थप मजवुत बनाउने प्रतिवद्धता व्यक्त गरेका थिए ।

नेकपा गौमुल गाउँ कमिटी अध्यक्ष देव बहादुर रोकायाको अध्यक्षतामा संचालन भएको शपथ ग्रहण कार्यक्रमा प्रमुख अतिथि नेकपाका जिल्ला सचिव भरत बुढा, जिल्ला कमिटी सदस्य हरीबहादुर रोकाया, नरेश रोकाया, तुलसीराम रोकाया, सीता थापा लगाएत नेता तथा कार्यक्रताहरुको सहभागिता रहेको थियो ।

विज्ञापन