अनिल शाही/बाजुरा १७ असार । बाजुराको स्वामीकार्तिक खापर गाउँपालिकाको चाखुडेथला प्राथमिक विद्यालयमा परिक्षण स्वरुप लगाइएका उच्च घनत्वको स्याउ यसै बर्ष फलेको छ । विद्यालयको क्षेत्रमा गत चैत्र महिनामा लगाईएका १ हजार बोट स्याउ फल्न थालेको बताइएको छ । गाउँपालिकाले एक बर्षमै फल्ने स्याउको परिक्षण स्वरुप यो बर्ष मनाङ्गबाट ल्याइएका सो स्याउ फल्न थालेका हुन ।

यसै बर्षको गत चैत्र महिनामा रोपिएका स्याउले फल दिन थालेको गाउँपालिकाका कृषि साखाका जेटिए निरेश कट्टेलले जानकारी दिएका छन् । सो स्थानमा फुजी, गाला र गोल्डेन जातको उच्च घनत्वको स्याउ फल्न थालेको हो । लगाइएको तीन जात मध्य गोल्डेन र गाला जातको स्याउ फलेको जेटिए कट्टेलले जानकारी दिएका छन् ।

प्रतिबोटको झण्डै ११ सय रुपैया पर्ने सो स्याउ एग्रो मनाङ्ग संग समन्वय गरी इटालीबाट ल्याइएको गाउपालिकाले जनाएको छ । गाउँपालिकाले हाल स्याउ, दाँते ओखर, आपँ, अनार, जैतुन, लिची लगायत सुख्खा ठाउँमा हुने फलफूललाई प्राथमिकता दिएर हाल स्वामीकार्तिक खापर गाउँपालिकाको देउरा क्षेत्रमा रोपिएको जनाइएको छ ।

विज्ञापन

कर्णाली करिडोरको बाटो खुले संगै गाउँपालिकाले फलफूल खेतीलाई जोड दिदै माटो र ठाउँ अनुसार फलफूल खेतीलाई जोड दिएको गाउँपालिकाका अध्यक्ष चिरन्जीवी शाहीले बताएका छन् ।। स्वामीकार्तिक गाउँपालिकामा सो फलपूmल सफल भए आगामी दिनमा थप विस्तार गर्ने तयारी गरेको जनाइएको छ । त्यस्तै बाजुराको गौमुल गाउँपािलकामा समेत सोहि प्रजातिको स्याउ पलेको छ । गौमुल गाउँपालिकाका अध्यक्ष हरीबहादुर रोकायाले बताएका छन् । स्याउ लगाएको ४ महिनामै फले पछि आगामिदिनमा समेत सहि प्रजातिका स्याउलगाउने तर्फ किसानहरु जागरुप भएको जुकोटका कपुर बहादुर शाहीले बताएका छन् ।