नागरिक रैबार/बाजुरा १७ साउन । नेकपा एमाले निकट अनेरास्ववियु बाजुराले सुदूरपश्चिमकाे प्रमुख धार्मिक स्थल बडीमालिका क्षेत्रमा ११ औं बैठक गर्ने निर्णय गरेको छ ।

अनेरास्ववियुकाे हिजाे मार्तडीमा बसेकाे १० बैठकले अर्काे ११ औं बैठक धार्मिक स्थल बडीमालिका क्षेत्रमा बस्ने निर्णय गरेकाे अध्यक्ष दिलबहादुर थापा भाेटेले बताएका छन् ।

त्यस्तै बैठकले बर्षादको समयमा हुने विपदजन्य घटनामा सहयोग गर्न उद्दार समिति गठन गरेकाे छ । अनेरास्ववियु  बाजुराका अध्यक्ष दिलबहादुर थापा भोटे संयोजक रहने गरी ७ सदस्यीय विपद उद्दार समिति गठन गरेको सचिव हिक्मत थापाले बताएका छन्।

बर्षादको समयमा आउने बाढी पहिरो र अन्य विपदजन्य क्षतिका लागि उद्दार टिम गठन गरिएको अनेरास्ववियु। अनेरास्ववियुको मार्तडीमा बसेको बैठकले १० औं बैठक धार्मीक पर्यटकीय क्षेत्र बडीमालिका र त्रिवेणी धाममा बैठक गर्ने निर्णय गरेको छ ।

त्यस्तै सबै मावि र क्याम्पस तहमा प्रारम्भीक कमिटी गठन गर्ने निर्णय गरेको छ । अनेरास्ववियुले विभागिय जिम्मेवारीपनि बाँडफाँड गरेको छ । जसमा संगठन विभाग प्रमुख लक्ष्मण रोकाया, प्रचार प्रसार विभाग प्रमुख प्रकाश खड्का, खेलकुद विभाग सन्जय विक, साँस्कृतिक विभाग रमित मल्ल र महिला विभाग प्रमुखमा सरिता थापाले जिम्मेवारी पाएका छन् ।

विज्ञापन

अनेरास्ववियुले प्रदेश क र ख को निर्वाचन क्षेत्रीय कमिटी गठनका लागि पनि क मा प्रेम नेपाली संयोजक रहने गरी  सहसंयोजक नन्दबहादुर खत्री, सदस्यमा चेतरा बोहरा र जनक रोकाया रहेको समिति गठन गरेका छन् ।

यस्तै लक्ष्मण रोकाया संयोजक र प्रकाश खड्का सहसंयोजक रहने गरी सरिता थापा, रोहन साउँद, सन्जय विक रहेको समिति गठन गरेका छन् । अनेरास्ववियुले असोज भित्र पालिका र विद्यालय तथा क्याम्पस कमिटी गठन गरि सक्ने निर्णय गरेको छ ।