जगन्नाथका कृषकलाई उन्नत जातका बाख्रा र फलफुलका विरुवा वितरण
समाचार
जगन्नाथका कृषकलाई उन्नत जातका बाख्रा र फलफुलका विरुवा वितरण
नागरिक रैबार
बिहिबार, असार १६, २०७९
अ
अ
अ
नागरिक रैबार/बाजुरा १६ असार। जिल्लाको जगन्नाथ गाउँपालिकाले गाउँपालिकाका कृषकलाई उन्नत जातका बाख्रा र फलफुलका विरुवाहरु वितरण गरेको छ ।
गाउँपालिकाले गाउँपालिका भित्रका जनताको आयआर्जन बढाउने उद्वेश्यले वडा नं १ देखि ६ सम्मका किसानहरूलाई कृषि विकास शाखा बाट पन्ध्र हजार कागती, सुन्तलाका बिरूवा र पशुसेवा शाखाबाट १६० वटा उन्नत जातका बाख्रा र १२ वटा बोयर जातका बोका वितरण गरिएको गाउँपालिकाको रोजगार संयोजक लक्ष्मण जोशीले बताएका छन् ।
गाउँपालिकाले भख्ररै सम्पन्न गरेको गाउँ सभाबाट गाउँपालिका भित्र दलहन बाली, तरकारी र फलफूल (आप,कागती, सुन्तला, किवि, ओखर, स्याउ र केरा)जातका बिरुवालाई उच्च प्राथमिकता दिई व्यवसायीक खेति गर्न किसानलाई प्रोत्साहन गर्ने कार्यक्रम समेत वार्षिक तथा निति कार्यक्रममा राखेको छ ।
फेसबुक प्रतिक्रियाहरु