‘प्रेमगीत ३’को भारत प्रवर्द्धनमा सघाउने गोविन्दाको प्रतिबद्धता
समाचार
‘प्रेमगीत ३’को भारत प्रवर्द्धनमा सघाउने गोविन्दाको प्रतिबद्धता
नागरिक रैबार
आइतवार, भदौ १२, २०७९
अ
अ
अ
काठमाडौं । ‘प्रेमगीत ३’को भारत प्रदर्शनबारे बलिउड स्टार गोविन्दा र नेपाली अभिनेता प्रदीप खड्काबीच आइतबार भेटवार्ता भएको छ । भेटमा गोविन्दाले फिल्मको भारत प्रवद्र्धनमा आफूले सघाउने बताए ।
‘उहाँले हामीलाई प्रमोसनमा सघाउने प्रतिबद्धता जनाउनुभएको छ,’ भेटपछि प्रदीपले अनलाइनखबरसँग भने, ‘उहाँको प्रतिबद्धतालाई लिएर हामी उत्साहित छौं ।’गोविन्दासँगको भेटमा निर्देशक दिनेश डीसी र चौधरी ग्रुपका वरुण चौधरी पनि सहभागी थिए । यसैबीच, गोविन्दा र पत्नी सुनिता आहुजाले आफ्नो सम्मान आयोजना गरिएको मिट एन्ड ग्रीट समारोहमा भाग लिए ।
सुपर डान्सर नेपालले आयोजना गरेको उक्त कार्यक्रमको जुरीको रुपमा रहेका अभिनेता भुवन केसीले पनि गोविन्दासँग भेट गर्दै नेपाली फिल्मको अवस्थाबारे जानकारी गराए ।
विज्ञापन
उक्त अवसरमा बोल्दै गोविन्दा दम्पतीले अन्य नेपाली शोमा पनि आफूहरुको उपस्थिति हुने बताउँदै नेपाली चेली र ज्वाइँको उपमा पाउँदा खुसी मिलेको बताए ।
गोविन्दा आइतबारै भारतको कोलकातामा हुने एक कार्यक्रमका लागि सपत्नी प्रस्थान गरेका छन् ।
फेसबुक प्रतिक्रियाहरु