धनगढीः कञ्चनपुरमा चितुवाको छालासहित २ जना पक्राउ परेका छन्। बुधबार जिल्लाको कृष्णपुर नगरपालिका-३ बाट प्रहरीले उनीहरुलाई समातेको हो।
प्रहरीका अनुसार पक्राउ पर्नेमा डडेल्धुराको अमरगढी नगरपालिका-३ काडेकी ४० वर्षीया मालती मल्ल र जोसिनाका २९ वर्षीय मोहन सार्की रहेका छन्। उनीहरुले धानबारीमा लुकाएको अवस्थामा २ थान चितुवाको आलो छाला बरामद गरिएको जिल्ला प्रहरी कार्यालय कञ्चनपुरले जानकारी दिएको छ।
उनीहरु दुवैले पहाडबाट ल्याएर उक्त छाला लुकाएको हुनसक्ने प्रहरीले जनाएको छ। अहिले प्रहरीले उनीहरुलाई छालासहित वन कार्यालयको जिम्मा लगाइएको छ।
फेसबुक प्रतिक्रियाहरु