एजेन्सी, ३० फागुन । रुससँग चलिरहेको युद्धको बीचमा युक्रेनका राष्ट्रपति भोलोडिमिर जेलेन्स्की शनिबार अचानक कीभको अस्पताल पुगेका थिए । यस अस्पतालमा युक्रेनका घाइते सैनिकलाई भर्ना गरिएको थियो । जेलेन्स्कीले सैनिकसँग सेल्फी खिचे, उनीहरुको अवस्था थाहा पाए र ठट्टा समेत गरे । देशका लागि लड्ने यी सैनिकहरूको भावनालाई अक्षुण्ण राख्ने प्रयास मात्रै थियो ।

जेलेन्स्कीले पनि अस्पतालमै यी सैनिकहरूलाई पुरस्कार दिँदै साथीहरू छिट्टै निको हुने बताएका छन् । यहाँ युक्रेनी राष्ट्रपतिले पनि उत्साहको सन्देश दिँदै सैनिकलाई भने–साथीहरू, जित सबैभन्दा ठूलो उपहार हो ।

जेलेन्स्कीले घाइते सैनिकलाई ‘हिरो अफ युक्रेन’ अवार्ड पनि प्रदान गरेका थिए । यो पुरस्कार युक्रेनमा बहादुरी र साहसका लागि दिइने सबैभन्दा ठूलो पुरस्कार हो। रुसी आक्रमणमा जेलेन्स्कीले भने–यो हत्या हो, जानाजानी हत्या । हामी यसलाई कहिल्यै बिर्सने छैनौं र यसमा संलग्नहरूलाई क्षमा गर्नेछौं। हाम्रो भूमिमा अतिक्रमण गर्ने सबैलाई कारबाही गर्नेछौं। चिहान बाहेक यो धर्तीमा शान्त ठाउँ हुनेछैन ।

विज्ञापन

युक्रेन र रुसी अधिकारीहरूले आज फेरि शान्ति वार्ता गर्नेछन्। यो कुराकानी भिडियो कल मार्फत हुनेछ। अघिल्ला तीन चरणको वार्ताले कुनै नतिजा निस्कन सकेको छैन ।