नागरिक रैबार/बाजुरा १४ जेठ। बडीमालिका नगरपालिका वडा नं. ९ को कार्यवाहक वडा अध्यक्षको जिम्मेवारी लालचन्द्र नेपालीलाई दिईएको छ ।

वडा अध्यक्ष विनोद कुमार विकको कोरोनाका कारण निधन भएपछि वडा अध्यक्षको पद रिक्त रहेको थियो । आज वडा कार्यालयमा बसेको वडा समितिको बैठकबाट वडाको बाँकी कार्यकालका लागि स्थानीय सरकार संचालन ऐन २०७४ को दफा ११६ बमोजिम कार्यवाहक वडा अध्यक्षको जिम्मेवारी नेपालीलाई दिएको हो ।

वडा अध्यक्ष विकको निधन पछि वडा कार्यालयको दैनिक कामकाज २ सातादेखि प्रभावित भएको थियो । नेपालीले यस अघि वडा अध्यक्ष बाहिर रहुँदा वडामा कार्यवाहक वडा अध्यक्षको जिम्मेवारीे सम्हाल्दै आएका थिए ।

विज्ञापन