नागरिक रैबार/बाजुरा ८ असोज। जिल्लाको बुढीगंगा नगरपालिका वडा नं ९ मा नेकपा एकिकृत समाजवादी पार्टीको अगुवा कार्यकर्ता भेला सम्पन्न भएको छ । नेकपा एमाले विभाजन पछि बनेको माधव कुमार नेपाल नेतृत्वको सो पार्टीले बुढीगंगा नगरपालिकाको ९ नम्बर वडामा पहिलो पटक अगुवा कार्यकर्ता भेला सम्पन्न गरेको हो ।

एकिकृत समाजवादी पार्टी बाजुराका जिल्ला कमिटी सदस्य तथा बुढीगंगा नगर कमिटीका इन्चार्ज र वडा नं. ९ का वडा अध्यक्ष भरत थापाको अध्यक्षता र समाजवादी बाजुराका स्कुल विभाग प्रमुख नवराज जैशीको प्रमुख आतिथ्यतामा संचालन भएको अगुवा कार्यकर्ता भेलाले भरतबहादुर शाह वडा कमिटी अध्यक्ष रहने गरी २२ सदस्यीय वडा कमिटी गठन गरिएको हो ।

जसमा रणबहादुर सिंह उपाध्यक्ष, जित सेराला उपाध्यक्ष, तिलक सिंह सचिव, रेवन्ता रावल थापा सहसचिव, गिता नेपाली कोषाध्यक्ष, लालबहादुर विष्ट वरिष्ठ सदस्य, लोकेन्द्र बहादुर थापा वरिष्ठ सदस्य र लोकेन्द्र थापा, सदस्य गोरख नेपाली सहितका २२ सदस्यीय वडा कमिटी गठन गरिएको हो ।

विज्ञापन

काँग्रेस छाडेर १२ जना समाजवादीमा प्रवेश

एकिकृत समाजवादी पार्टीले बुढीगंगा ९ मा गरेको अगुवा कार्यकर्ता भेलामा सोही नगरपालिका ८, ९ र १० का १२ जनाले काँग्रेस परित्याग गरेर समाजवादीमा प्रवेश गरेको समाजवादीका युवा नेता जिवन थापाले बताएका छन् ।