प्रहरीका अनुसार अवैध सम्बन्धबाट गर्भ रहेर जन्मिएको शिशुको माधवीले घाँटी निमोठेर हत्या गरेकी हुन्। उनले आइतबार बिहान घर नजिकैको मकैबारीमा शिशु जन्माएकी र जन्मिनासाथ शिशुको घाँटी निमोठेर हत्या गरेको इलाका प्रहरी कार्यालय पाटनका प्रमुख प्रहरी निरीक्षक राजेश शाहीले बताए।

माधवीलाई प्रहरीले नियन्त्रणमा लिएको छ। आज अदालतबाट म्याद थप गरेर उनीमाथि कर्तव्य ज्यान मुद्दामा अनुसन्धान सुरु गरिने प्रहरी निरीक्षक शाहीले बताए। वैदेशिक रोजगारमा गएका माधवीका श्रीमान बेपत्ता रहेका प्रहरीले बताएको छ। उनको गाउँकै १७ वर्षीय किशोरसंग अवैध सम्बन्ध रहेको बताइएको छ। महिला स्वास्थ्य स्वयं सेविका समेत रहेकी माधवीका एक १३ वर्षीय छोरा छन्।