नागरिक रैबार/बाजुरा ६ भदौ। जिल्लाको जगनाथ गाउँपालिका १–स्थित पिलुचौरमा एकजनाको करेन्ट लागेर मृत्यु भएको छ ।मृत्यु हुनेमा जगन्नाथ गाउपालिका १ का अन्दाजी ५० बर्षिया पूणर्बहादुर बिष्ट रहेका छन् ।
विष्टको शनिबार बेलुकी ८ बजे करेन्ट लागेर मृत्यु भएको जिल्ला प्रहरी कार्यालयले बाजुराले जनाएको छ । प्रहरीका अनुसार बड्डीगाड जलविद्युतको पावर हाउसमा मेसिनको जम्पर बदल्ने क्रममा विष्टको करेन्ट लागेर मृत्यु भएको हो ।
करेन्ट लागेर बेहोस् भएका विष्टलाई उपचारका लागि लैजादै गर्दा बीच बाटोमै मृत्यु भएको प्रहरीले बताईएको छ । मृतक विष्टको पिलुचौरमा रहेको बाजुरा सामुदायिक अस्पतालमा पोष्टमार्टम गरेर उनका आफन्तले शव बुझेर हिँन्दु परम्परा अनुसार दाहसंस्कार गरिएको पारिवारिक श्रोतले बताएको छ ।
फेसबुक प्रतिक्रियाहरु