सुदूरपश्चिममा बाढीपहिरोः ३० जनाको मृत्यु, २४ बेपत्ता, १६ घाइते (नामसहित)
देश/प्रदेश
सुदूरपश्चिममा बाढीपहिरोः ३० जनाको मृत्यु, २४ बेपत्ता, १६ घाइते (नामसहित)
नागरिक रैबार
बिहिबार, कार्तिक ४, २०७८
अ
अ
अ
धनगढीः सुदूरपश्चिम प्रदेशमा बाढीपहिरोका कारण मृत्यु हुनेको संख्या ३० पुगेको छ। सबैभन्दा बढी डोटीमा १५, बझाङमा ८, बैतडीमा चार, डडेल्धुरामा दुई र कैलालीमा एक जनाको मृत्यु भएको छ।
पहिरोमा च्यापिएर प्रदेशमा २४ जना बेपत्ता रहेको प्रदेश प्रहरी कार्यालय धनगढीले जनाएको छ। बझाङमा २१, कैलाली, बैतडी र डोटीमा एक÷एक जना बेपत्ता छन्।
बझाङमा नेपाली सेनाको हेलिकोप्टरमार्फत पहिरोमा परेकाहरुको उद्धार र खोजी कार्यको लागि आवश्यक राहात र औषधिको व्यवस्था गरेर रेस्क्यु टोली घटनास्थल पुगिसकेको छ।
विज्ञापन
यस्तै बाढीपहिरोका कारण १६ जना घाइते भएका छन्। डोटीमा ११ जना, डडेल्धुरा र बैतडीमा २/२ र बझाङमा एक जना घाइचे भएका हुन्।
फेसबुक प्रतिक्रियाहरु