नागरिक रैबार/बाजुरा २८ कार्तिक। जिल्लाको बडीमालिका नगरपालिका र जगनाथ गाउँपालिकाका ९ वटा वडाका २ सय ५० जना अति विपन्न तथा सिमान्तकृत महिलाहरुलाई राहत स्वरुप खाद्यन्न वितरण गरिएको छ ।
दलित महिला संघ, युएन वमनको सहयोग तथा स्थानीय तहमा सामाजिक विकास कार्यमा कार्यरत संस्थाहरु दलित महिला अधिकार मंच, र नेपाल मधेश फाउण्डेसनको सहकार्य तथा साझेदारीमा संचालित कोभिड १९ को सन्दर्भमा महिला तथा सिमान्तकृत वर्गहरुका लागि बृहत राहत प्याकेज सहयोग कार्यक्रम अन्तरगत बाजुराका उक्त २ वटा पालिकाका २ सय ५० महिलालाई विहिबार र शुक्रबार राहत स्वरुप खाद्यन्न, नुन, तेल, सावुन, चिनि, चना, औषधी, सरफ लगायतका सामाग्री वितरण गरिएको हो ।
कोरोना भाईरस कोभिड १९ का कारण प्रभावित बनेका बडीमालिका नगरपालिकाका ४ वटा वडा १, ५, ७ र ९ नम्बर वडाका १ सय २५ र जगनाथ गाउँपालिकाका १, २, ३, ५ र ६ का १ सय २५ गरी २ वटा पालिकाका २ सय ५० जनालाई राहत स्वरुप खाद्यन्न वितरण गरिएको कैलाली बाजुरा जिल्ला कार्यक्रम संयोजक तारिराम टमटाले बताएका छन् ।
विज्ञापन
कार्यक्रम संयोजक टमटाका अनुसार २ वटा पालिकाका ९ वटा वडामा रहेका अति गरिब, विपन्न, दलित, एकल महिला र अपागंता भएका महिलाहरुलाई दलित महिला संघ ( फेडो) बाजुराले छनोट गरेर राहत वितरण गरिएको हो ।
तिहारको मुखैमा राहत सामाग्री पाएपछि स्थानीय महिलाहरु खुसी भएका छन् । बडीमालिका २ कि सुनमति उखेडाले भनिन् प्रत्येक वर्ष तिहार आउँदा तिहार नै नरमाईलो हुन्थ्यो अव यस वर्षको तिहारमा सजिलो हुने भयो उनले खुशी हुँदै भनिन् ।
फेसबुक प्रतिक्रियाहरु