रामबहादुर विक/माघ २२ बाजुरा। जिल्लाको स्वामीकार्तिक गाउँपालिका १ साप्पाटामा एकहप्ता देखि फैलिएको भाईरल ज्वरोका कारण दुई जनाको ज्यान गएको छ । ज्वरोका कारण मृत्यु हुनेमा स्वामीकार्तिक गाउँपालिका १ साप्पाटा जोरुका ५५ वर्षिया प्रमिला कडारा र ९० वर्षिया दलबहादुर रावल रहेका छन् ।
ज्वरोकै कारण मिमा बोहराको मंगलबार मृत्यु भएको हो भने दलबहादुर रावलको बुधबार विहान मृत्यु भएकाे जनाइएको छ । गाउँभरी नै अहिले भाईरल ज्वरोको सक्रमण बढेपछि भाईरल ज्वरो प्रभावित क्षेत्रमा स्वास्थ्यकर्मीहरुको टोली परिचालन भईसकेको जिल्ला अस्पताल बाजुराले जनाएको छ ।
गाउँका स्थानीयहरुलाई अहिले भाईरल ज्वरोले सताएको छ । जसका कारण स्थानीयहरुको स्वास्थ्य चेकजाँच र औसधोपचार गर्नका लागि घण्टौ लामो दुरी पैदल यात्रा गरेर प्रभावित क्षेत्रमा स्वास्थ्यकर्मीहरु परिचालन गरिएको जिल्ला अस्पताल बाजुराले जानकारी दिएको छ ।
विज्ञापन
भाइरल ज्वरोका कारण स्वामीकार्तिक खापर गाउँपालिका १ साप्पाटाको पुरै गाउँ प्रभावित बनेको छ । दुई जनाको ज्याननै जाने गरि फैलिएको भाईरल ज्वरोका कारण अहिले पुरै गाउँ आतंकित बनेको छ ।
गाउँमा अत्याधिक चिसो बढेका कारण स्थानीयहरुमा रुघाखोकी ज्वरो, टाउको दुख्ने लगायतका समस्या उत्पन्न हुन सक्ने भएकाले यसबाट बच्न स्वास्थ्यकर्मीहरुले आग्रह गरेका छन् ।
फेसबुक प्रतिक्रियाहरु