काठमाडौँ – नेपालमा कोरोना भाइरस संक्रमितको संख्या लगातार बढ्ने क्रममा रहेको छ। नेपालभर आज अहिले सम्मकै बढी कोरोना संक्रमित फेला परेका छन्।

स्वास्थ्य तथा जनसंख्या मन्त्रालयका अनुसार बितेको २४ घण्टामा एक हजार तीन सय भन्दा बढी कोरोना भाइरसका संक्रमित फेला परेका छन्।शुक्रबारको स्वास्थ्य तथा जनसंख्या मन्त्रालयको नियमित प्रेस ब्रिफिङमा मन्त्रालयका प्रवक्ता जागेश्वर गौतमले देशभरमा थप एक हजार तीन सय ५९ जनामा कोरोनाको पुष्टि भएको जानकारी दिए।

पछिल्लाे २४ घण्टामा १३ हजार ६ सय ३८ जनाकाे पीसीआर विधिमार्फत परीक्षण गर्दा एक हजार तीन सय ५९ जनामा काेराेनाकाे सङ्क्रमणको पुष्टि भएको गौतमको भनाई छ। यो अहिले सम्मकै उच्च संख्या हो। थप पुष्टि सँगै नेपालमा कोरोना भाइरसका सङ्क्रमितको सङ्ख्या ४४ हजार दुई सय ३६ पुगेकाे छ ।

विज्ञापन

यस्तै गएको २४ घण्टामा एक हजार तीन सय ५४ जना कोरोना सङ्क्रमित निको भएर घर फर्किएसँगै डिस्चार्ज हुनेकाे सङ्ख्या २५ हजार पाँच सय ६१ पुगेको छ ।