नागरिक रैबार/बाजुरा १५ असोज। साँफे-मार्तडीसडक अन्तरगत दुनीहाटबजार देखि पावरहाउस सम्मको सडकलाई युनिटि युवा क्लवका युवाहरुले सरसफाई गरेका छन् ।
सडक आसपास क्षेत्र तथा सडकको नालिमा यहाँका स्थानीयहरुले जथाभावि फोहोर गरेपछि युनिटि युवा क्लवले सो सडक सरसफाई गरेका हुन् ।
विज्ञापन
सडक सरसफाईमा सम्बन्धित निकायले ध्यान नदिएपछि युनिटि युवा क्लवका अध्यक्ष मनोज बोहराको नेतृत्वमा खटिएका युवाहरुले आफै सरसफाई गरेका हुन् ।
सदरमुकाम मार्तडी जोड्ने मुख्य सडक नै दिन प्रतिदिन फोहोर बन्दै गएपछि युनिटी युवा क्लवका युवाहरुले बुधबार सरसफाई गरेको क्लवका अध्यक्ष मनोज बोहराको भनाईछ ।
सार्बजनिक सम्पतीको रक्षा र संरक्षण गर्नु सबै नागरिकको उत्तिकै भुमिका रहन्छ र सरकारकै मुख ताक्न हुदैन भन्ने मनसायकाले सो सडकका नालिमा यत्रतत्र भएर बगिरहेको पानी र नाली ब्यबस्थापन गरेको युवा दिपक विकले बताएका छन् ।
फेसबुक प्रतिक्रियाहरु