संगिता तिमिल्सेना/ बाजुरा १४ मंसिर । बाजुरा जिल्लाको त्रिवेणी नगरपालिका वडा नं १ छतारामा वडा अध्यक्षका लागि उपनिर्वाचन सुरु भएको छ । त्रिवेणी नगरपािलका वडा नं १ छताराका स्थानिय ७० वर्षिय अर्जुन बहादुर बुढाबाट मतदान सुरु गरेको त्रिवेणीका वडा अध्यक्ष मिन बहादुर भण्डारीले जानकारी दिनुभएको छ ।

मतदान अनुशासित तरिकाले सम्पन्न गर्नका लागि महिला र पुरुषको छुट्टा छुट्टै लाइन बनाएर मतदान गर्न सुरु गरिएको निर्वाचन कार्यालय बाजुराले जनाएको छ । त्रिवेणी १ मा रहेको छतारादेवि आधारभुत विद्यालयमा मतदानकेन्द्र मतदान हुँदैछ ।

एक हजार ३९ मतदाता रहेको त्रिवेणी नगरपालिका वडा नं १ मा ढुक्क भएर मतदान गर्न पनि निर्वाचन अधिकृत भोलाराज रेग्मीले स्थानियलाई आग्रह गर्नुभएको छ । उपनिर्वाचन हुन लागेको क्षेत्र छतारामा सुरक्षा व्यवस्था निकै कडाईका साथ परिचालन गरिएको जिल्ला प्रहरी कार्यालय बाजुराले जनाएको छ ।

विज्ञापन