मदन विक/बाजुरा ११ भदौ। नजिकिदै गरेको तीज पर्वलाई लक्षित गरेर आयोजना गरिएको तीज अवार्ड २०७६ मा बाजुराका राजेश कुमारलाई सवोत्कृष्ट भिडियो सम्पादकको विधामा अवार्ड प्रदान गरिएको छ ।

प्राईम टाइम्स टेलिभिजन र प्रियसी म्युजिक प्रालिको व्यवस्थापनमा बुधबार काठमाण्डौंमा सम्पन्न भएको उक्त अवार्डमा राजेश कुमारलाई “माईतिमा जाउँ कसरी जाउँ” बोलको तीज गीतबाट सर्वोत्कृष्ट तीज भिडियो सम्पादकको अवार्ड प्रदान गरिएको हो ।

तीज गीत संगीतका श्रष्टा तथा सर्जकलाई प्रोत्साहन मिलोस् र तीजका गीतले र त्यसका श्रष्टा र सर्जकले उत्साहित हुने मौका पाउन् भन्ने उद्धेश्यका साथ पहिलो पटक प्राइम टाइम्स टेलिभिजन र प्रियसी म्युजिक प्रालीले तीज अवार्ड २०७६ को आयोजना गरेको थियो ।

विज्ञापन

जसमा हाल सम्म बजारमा आएका गीत संगीतको सहभागिता रहनेगरि आयोजना गरिएको ‘प्राइम टाइम्स तिज महोत्सव २०७६ सर्वोत्कृष्ट तीज म्युजिक भिडियो सम्पादकमा राजेशले अन्य ४ जना प्रतिष्पर्दीसंग प्रतिष्पर्दा गरेका थिए ।

गत साउन महिनामा काठमाण्डौमा सम्पन्न भएको राष्ट्रिय साधना म्युजिक अवार्ड राजेशको हातमा रुँदै–रुँदै बसे बोलको लोकदोहरी गीतबाट सर्वोत्कृष्ट म्युजिक भिडियो नव सम्पादको अवार्ड विक प्राप्त भएको थियो । बाजुराको बडीमालिका नगरपालिका वडा नंंं. ७ सिराडीमा जन्मेका २२ वर्षिय राजेश गीत संगितमा आफ्नो भविष्य खोज्न ३ वर्ष अघि काठमाण्डौ गएका थिए । राजेशले ३ वर्षको अवधिमा करिब ४ सय बढी म्युजिक भिडियोहरु सम्पादन गरिसकेका छन् ।
राजेश कुमारलाई सर्वोत्कृष्ट तीज भिडियो सम्पादकको अवार्ड प्रदान गरिएको गीत हो ।