जातीय विभेद गरेकाे आरोपमा २ जना प्रहरीको नियन्त्रणमा
Breaking News
जातीय विभेद गरेकाे आरोपमा २ जना प्रहरीको नियन्त्रणमा
नागरिक रैबार
साङ्केतिक तस्विर
बिहिबार, भदौ ५, २०७६
अ
अ
अ
नागरिक रैबार/ बाजुरा ५ भदौ। बाजुरा जिल्लाको हिमाली गाउँपालिकामा जातीय विभेदकाे गरेकाे आरोपमा २ जनालाई प्रहरीले नियन्त्रणमा लिएकाे छ ।
हिमाली गाउँपालिकाको वडा नं. ६ धिममा भदौ २ गते लागेको खौं मेला हेरेर दलित अधिकारकर्मी गोरखबहादुर शार्की र उनकी श्रीमति आप्सरी ऐडी शार्की राति आफ्नाे घरमा सुतिरहेको बेला हिमाली गाउँपालिका अध्यक्ष मल्लका छोरा र भतिजाले मदिरा सेवन गरेर सामुहिक आक्रमण गरेकाे उजूरी परेपछि जिल्ला प्रहरी कार्यालयले नियन्त्रणमा लिएको हो ।
पक्राउ पर्नेमा हिमाली गाउँपालिकाका अध्यक्ष अध्यक्ष गोविन्द बहादुर मल्लका छोरा चिरिम मल्ल र भतिजा भुपि मल्ल रहेकाे प्रहरीले बताएकाे छ ।
विज्ञापन
दलित अधिकारकर्मी सार्की र उनकी श्रीमति आपसरी ऐडी सार्कीलाई गाउँपालिकाका अध्यक्ष मल्लका छोरा चिरिम र भतिजा भुपि मल्लले जथाभावि गालि गलौज, डुम कमाराका सन्तान, डुमले मेला हेर्नका लागि चस्मा, कोट लगाउने हो ? भनेर सार्की परिवारमाथि आर्कमण गरेको खवर पछि प्रहरीले उनीहरु दुवै जनालाई नियन्त्रणमा लिएको जिल्ला प्रहरी कार्यालय बाजुराले जनाएकाे छ ।
उनीहरुले आर्कमण गरेपछि दलित अधिकारकर्मी सार्कीकि श्रीमति आपसरी ऐडी सार्कीको छातीमा चोट लागेको शंकर मल्लले बताएका छन् ।
घटना घटेलगत्तै दलित अधिकारकर्मी सार्कीले आफुमाथि दुवै जनाले आर्कमण गरेपछि प्रहरीलाई खबर गरेका थिए ।
उक्त घटनाको खबर पाएपछि घटनास्थलमा पुगेर आर्कमण गर्ने दुई जना आरोपितलाई हिमाली गाउँपालिकाको धुलाचौरमा रहेको अस्थाई प्रहरी पोष्टले नियन्त्रणमा लिएको थियो । आरोपित दुवै जना जिल्ला प्रहरी कार्यालय बाजुराको नियन्त्रणमा ल्याईसकेको जिल्ला प्रहरी कार्यालयका डिएसपी उद्ववसिह भाटले बताएका छन् ।
फेसबुक प्रतिक्रियाहरु