दीनःदुखिको परिवारलाई पत्रकार सिंहले गरे खाद्यन्न सहयोग
Breaking News
दीनःदुखिको परिवारलाई पत्रकार सिंहले गरे खाद्यन्न सहयोग
नागरिक रैबार
सुना सार्कीलाइ पत्रकार तथा सामाजिक अभियान्ता प्रकाश सिहले सहयोग गरेकाे खाद्यन्न सामाग्री हस्तान्तरण गर्दै गैसस महासघका केन्द्रिय सदस्य काँसी विक र उद्योग वाणिज्य सघका हसबहादुर सिह।
सोमवार, अशोज २७, २०७६
अ
अ
अ
नागरिक रैबार/बाजुरा २७ असोज। नेपाल पत्रकार महासंघ बाजुराका अध्यक्ष तथा सामाजिक अभियान्ता प्रकाश सिंहले एक विचल्लीमा परेको दीनः दुखिको परिवारका लागि खाद्यन्न सामाग्री सहयोग गरेका छन् ।
पत्रकार तथा सामाजिक अभियान्ता सिंहले बडीमालिका नगरपालिका वडा नं. ३ रजालिकि दिनः दुखि सुना सार्कीको ४ जनाको परिवारका लागि चामल, दाल, तेल लगायत खाद्यन्न सामाग्री सहयोग गरेका हुन् ।
नजिकिदै गरेको तिहारमा केही दिनको छाक टार्न उनको परिवारलाई सहज होस भन्ने उद्देश्यले आफुले खाद्यन्न सहयोग गरेको पत्रकार सिंहले बताएका छन् ।
विज्ञापन
सुनाका श्रीमान लाल बहादुर सार्कीको ८ बर्ष अघि मृत्यु भएको थियो । श्रीमानको मृत्युपछि सुनाको परिवार सहारा विहिन बनेको थियो । सुनाले अहिले सदरमुकाम मार्तडी बजारमा ज्याला मजदुरी गरेर ४ जनाको परिवार पाल्दै आएकी छन् ।
गाँउमा सहजै परिवार पाल्न समस्या भएपछि सुना बच्चा सहित सदरमुकाम मार्तडीमा ज्याला मजदुरी गर्न आएकि थिईन् । सुनाकि छोरी गिता सार्की कक्षा ८ मा अध्यनरत छन् ।
त्यस्तै ममिता सार्की कक्षा ५ र उनका छोरा बिरेन्द्र सार्की कक्षा ६ मा अध्यनरत रहेका छन् । पत्रकार सिंहले आफ्नो दुखः पिडा देखेर खाद्यन्न सहयोग गरेपछि खुसी भएकि छन् ।
पत्रकार सिंहले दीनःदुखि परिवारका लागि गरेको खाद्यन्न सहयोग सामाग्री गैसस महासंघ केन्द्रिय सदस्य काँशी विक र बाजुरा उद्योग बाणिज्य संघका सदस्य हंसबहादुर सिंहले हस्तान्त्रण गरेका थिए ।
पत्रकार सिंहले जिल्लामा रहेका पिडित महिला, बालवालिका र आर्थिक अवस्था कमजोरका कारण उपचार नपाएर छटपटाएका विरामीहरुका लागि दिन रात नभनी सेवा गर्दै आईरहेका छन् । बाजुराबाट मात्रै ४८ बालवालिकाहरुको भविष्य उज्वल बनाउन पत्रकार सिंहले सहयोग गरिसकेका छन् ।
फेसबुक प्रतिक्रियाहरु