नागरिक रैबार/बाजुरा २८ भदौ ।  बाजुराको बडीमालिका नगरपालिका वडा नं.१ पिनालेखबाट शुक्रबार प्रहरीले नगद सहित पाच जना जुवाडेलाई रङगे हात पक्राउ गरेको छ । प्रहरीले साँझ आठ बजे जुवा खेलिरहेको अवस्थामा पाँच जनालाइ पक्राउ गरेको छ ।
जिल्ला प्रहरी कार्यालय बाजुराबाट खटिएको प्रहरी टोलीले जुवा खेलीरहेको अवस्थामा पिनालेखको शुरेश दानीको होटेलमा जुवा खेलीरहेको अवस्थामा उनीहरुलाई पक्राउ गरेको हो ।

प्रहरीका अनुसार बडीमालिका नगरपालिका वडा नं. १ का (होटेल संञ्चालक) शुरेश दानी, कृष्ण राज उपाध्याय, वडा सचीव मदन दानी, हाल जाल्पा मा.वि.मा कार्यरत शिक्षक त्रिबेणी वडा नं. ९ का कर्ण थापा, जिल्ला बझाङ सप्तड छन्ना गाउँपालिका वडा नं. ५ का शिक्षक भिम गिरीलाई पक्राउ गरिएको छ ।
जुवाको दाउमा राखेको नगद ४३ हजार ६ सय ६० रुपियैँ र ताससहित बरामद गरीएको छ । उनीहरुलाई पक्राउ गरी प्रहरीले थप अनुसन्धान गरिएको जनाएको छ ।

विज्ञापन