नागरिक रैबार/बाजुरा २४ कार्तिक। नेपाल भारत सिमा नाकासंग जोडिएको दार्चुलाको लिपुलेख देखि लिम्पियाधुरा सम्मको कालापानी क्षेत्रलाई भारतीय हस्तक्षेपबाट रोक्न अनेमसंघले जिल्ला प्रशासन कार्यालय बाजुरा मार्फत गृहमन्त्रालयलाई ज्ञापन पत्र बुझाएको छ ।

सुदूरपश्चिम प्रदेश अन्तरगत पर्ने दार्चुला जिल्ला भरतको सीमासंग जोडिएको लिपुलेख देखि लिम्पियाधुरा सम्मको कालापानी क्षेत्रमा भारतले विगत ७० वर्ष देखि जवरजस्त रुपमा भारतिय सेना राख्ने र अतिक्रमण गर्ने जस्ता हस्तक्षेपकारी गतिविधिहरु गर्दै आएकोले यसलाई तत्काल रोक्न अखिल नेपाल महिला संघ बाजुराले जिल्ला प्रशासन कार्यालय मार्फत गृह मन्त्रालयलाई ज्ञापन पत्र बुझाएको अनेमसंघ जिल्ला सचिव सीता थापाले बताईन् ।

छिमेकी मुलकुको सिमान अतिक्रमण गर्न नपाउने कुनै पनि प्रकारको हस्तक्षेप गर्न नपाउने अन्तराष्ट्रिय मान्यता विपरीत आफ्नो नक्सामा कालापानी क्षेत्रलाई भारतले नयाँ नक्सामा गाभी सार्वजनिक गरेको छ । भारतको यस्तो हेपाह र मिचाह प्रवृतिको अनेमसंघ घोर भत्र्सना गर्दछ अनेमसंघ बाजुराले बुझाएको ज्ञापन पत्रमा उल्लेख गरिएको छ ।

विज्ञापन

अनेमसंघ क्रान्तीकारीका केन्द्रिय सदस्य कमल कुमारी शाह र अनेमसंघ बाजुराका सचिव सीता थापाको हस्ताक्षरमा उल्लेखित ज्ञापन पत्रमा भारत सरकारले नेपाली भुमिबाट आफ्नो सेना नहटाएसम्म र भारतको नक्साबाट नेपालको कालापानी क्षेत्रको भुभाग उस्को नक्साबाट नहटाएसम्म हाम्रो खबरदारी र निगरानी गर्ने आन्दोलन जारी रहनेछ भनिएको छ ।