काठमाडौं– फिटनेस फस्ट क्लबले आयोजना गर्ने ‘मिस्टर फिटनेस फस्ट तथा मेन्स स्पोर्ट्स फिजीक च्याम्पियनसिप’ को पाँचौ संस्करण चैत अन्तिम साता हुने भएको छ ।

आयोजकले आइतबार पत्रकार सम्मेलन गरी प्रतियोगिता आगामी ३० गते हुने सतुंगल पार्टी प्यालेसमा हुने जानकारी दिएको हो । च्याम्पियनसिपमा ५ तौल समूहका खेलाडी सहभागी हुने आयोजकले जानकारी दिएको छ ।

जसमा ५५ केजी, ६० केजी, ६५ केजी, ७० केजी र ७० केजी माथिको तौल समूहमा प्रतिस्पर्धा हुनेछ । प्रत्येक समूहका विजेताले पदकसहित १० हजार, उपविजेताले ५ हजार र तेस्रोले ३ हजार नगद प्राप्त गर्ने बताइएको छ भने प्रत्येक समूहको विजेताबीच समग्रमा प्रतिस्पर्धा गराइनेछ । त्यसको विजेता ओभरअल च्याम्पियन बन्नेछ ।

विज्ञापन

ओभरअलको च्याम्पियनले उपाधि र ब्यानेटसँगै नगद ५० हजार प्राप्त गर्नेछन् । त्यस्तै, वेष्ट पोजरले उपाधिसहित ५ हजार प्राप्त गर्नेछन् ।
पाँचौ संस्करणको प्रतियोगितामा मेन्स फिजीकमा १६५ सेमी मुनि र १६५ सेमी माथिको स्पर्धामा प्रतिस्पर्धासमेत प्रतिस्पर्धा हुनेछ ।

यस्तै, दुवै समूहका विजेताले १५—१५ हजार, उपविजेताले ५—५ हजार र तेस्रोले ३ —३ हजार पुरस्कार रकम प्राप्त गर्नेछन् । प्रतियोगिताबाट राष्ट्रिय शारीरीक सुगठन खेलका लागि खेलाडी उत्पादन हुने आयोजकको दाबी रहेको छ ।