लम्की –विप्लव नेतृत्वको नेपाल कम्युनिस्टका पार्टीका कार्यकर्ताले कैलालीको लम्कीचुहा नगरपालिकाका कर्मचारी लाई कार्यकक्षमै थुनिदिएका छन। शनिबार साझ कार्यलयमा उनीहरुलाई काम गरिएको अवस्थामै थुनिदिएका हुन। विप्लव नेतृत्व नेकपा एरिया न. ३ सेक्रेटरी प्रदीपले त्यहाँको स्थानिय रेडियो लम्की एफ.एमलाई दिएको जानकारी दिएको छ । प्रदिपकाअनुसार अनुसार शनिबार साझ ८ : ३० बजे उनीहरु थुनिएका हुन।

सरकारले विप्लव नेतृत्व नेकपालाई प्रतिबन्ध लगाएकोले त्यसको चेतावनी स्वरुप कर्मचारीलाई कार्यकक्षमै थुनिदिएको सेक्रेटरी प्रदिपले बताए। उनले भने “पार्टीलाई लगाएको प्रतिबन्ध फुकुवा नगरे अबको निशानामा भ्रष्ट कर्मचारी र जनप्रतिनिधि नै रहने हुन।”

लम्कीचुहा नगरपालिकामा व्यापक आर्थिक अनियमितता भएका समाचार बाहिर आएपछि त्यसको चेतावनीको लागि केहि कर्मचारी लाई आफ्ना कार्यकर्ताले थुनिदिएको बताए । उनले भने “यो चेतावनी मात्रै हो,फेरि पनि पार्टीमाथिको दमन र प्रतिबन्ध रहिरहे, कार्यकर्ता टुलुटुलु हेरेर नबस्ने बताए ।

विज्ञापन