नागरिक रैबार। भोलि (बिहिवार) बाट सुरु हुने माध्यमिक शिक्षा परीक्षा (एसईई) मा मोवाईल फोन तथा चिटजन्य सामग्री नल्याउन शिक्षा विकास तथा समन्वय इकाई बाजुराले आग्रह गरेको छ ।

एसईईको बार्षिक परीक्षाको परीक्षा केन्द्र नजिक तथा भित्र मोवाईल, चिटजन्य सामग्री तथा हाततियार निषेध गरिएको शिक्षा विकास तथा समन्वय इकाई बाजुराले जनाएको छ ।

त्यस्तै निषेयिधत सामग्री ल्याइएको पाइएमा स्वयम् जिम्मेवार हुनुपर्ने र नियमानुसार कारवाही हुने इकाई प्रमुख हर्क बहादुर सिंहले बताएका छन् । त्यसैगरि परीक्षालाई थप प्रभावकारी, मार्यादित, स्वच्छ, निष्पक्ष तथा भयरहित वातावरणमा सञ्चालन गरि सम्पन्न गर्न सबैलाई अनुरोध गरेको छ ।

विज्ञापन

बाजुराबाट यस बर्षको एसईई परीक्षामा २ हजार ९ सय ३४ बिद्यार्थीहरु सहभागी हुर्दैं छन भने १५ ओटा परीक्षा केन्द्र तोकिएका छन् ।