रुपन्देही उपनिर्वाचन : रास्वपाले आज उम्मेदवार घोषणा गर्दै
देश/प्रदेश
रुपन्देही उपनिर्वाचन : रास्वपाले आज उम्मेदवार घोषणा गर्दै
नागरिक रैबार
आइतवार, भदौ १५, २०८२
अ
अ
अ
राष्ट्रिय स्वतन्त्र पार्टी (रास्वपा) ले रुपन्देही क्षेत्र नं ३ को उपनिर्वाचनका लागि उम्मेदवार घोषणा गर्र्दैछ ।
आज बस्ने सचिवालय बैठकले सो निर्णय गर्ने र उम्मेदवार घोषणा गर्नेछ ।
आज दिउँसो साढे १ बजे सचिवालय बैठक बोलाइएको छ । उक्त बैठकमा रुपन्देही–३ को उम्मेदवार छनोटबारे मूल्यांकन हुनेछ । आजै पार्टी कार्यालय बनस्थलीमा पार्टी प्रवेश कार्यक्रम समेत रहने र त्यसपछि उम्मेदवार घोषणा हुने प्रवक्ता मनिष झाले जानकारी दिए ।
त्यसो त रास्वपाले रुपन्देही क्षेत्र नं ३ को उननिर्वाचनका लागि विभिन्न मापदण्ड पूरा गरेर ९ जनालाई सर्ट लिष्टमा पारेको थियो । उनीहरुसँग अन्तर्वार्ता लगायतका चरणहरु पार गरेर रास्वपाले आज अन्तिम नामावली प्रकाशन गरेको हो । साथै सर्ट लिस्टमा परेकाहरुले आफू उम्मेदवार नबने पनि अन्य उम्मेदवारहरुलाई सहयोग गर्ने बचनबद्धता व्यक्त गरेका छन् ।
रुपन्देही क्षेत्र नं ३ मा आगामी कार्तिक १७ गते उपनिर्वाचन हुँदैछ । गत निर्वाचनमा सो क्षेत्रबाट निर्वाचित दिपक बोहराको निधन भएसँगै सो क्षेत्रमा उपनिर्वाचन हुन लागेको हो । उपनिर्वाचनको मिति नजिकिँदै जाँदा पनि अन्य दलहरुले भने उम्मेदवारको टुंगो लगाउन सकेका छैनन् ।
फेसबुक प्रतिक्रियाहरु