नागरिक रैबार/बाजुरा १६ जेठ। नेकपा एमाले जिल्ला कमिटी बाजुराका उपसचिव हरीबहादुर रोकायाले जढागांमा रहेको बेलिवृज ५ महिनाभित्र सार्न सम्वन्धित निकायलाई चेतावनी दिएका छन् ।

गाैमुल गाउँपालिकाका अध्यक्ष समेत रहेका रोकायाले शुक्रबार आफ्नो सामाजिक संचालमा स्टाटस लेख्दै सम्बन्धित निकायलाई ५ महिनाको समय दिईन्छ । तब सम्म पनि जडाङगाको बेलिब्रिज सार्ने काम भएन भने बाजुरेलि युवाको साथ लियर त्यो भत्काईन्छ । पक्का हो ल । उनले भनेका छन् ।

साँफे मार्तडी राजमार्ग अन्तरगत जढागांमा विगत ४ वर्षदेखि थन्किएको बेलिवृज सार्न निरन्तर सम्वन्धित निकायलाई आग्रह गरिएको थियो । तर पनि अहिलेसम्म बेलिवृज सार्न कहिँ कतैबाट बजेटको व्यवस्थापन हुन् सकेको छैन् ।

विज्ञापन

यो ठाउँमा पक्की पुल निर्माण भएर संचालनमा आएको र बेलिवृज प्रयोग विहिन भएपछि जिल्लास्थित सरोकारवाला निकायहरुले मार्तडी कोल्टी सडकको दानसाँगुमा सार्नका लागि सम्बन्धित निकायमा पटक पटक माग गरेका थिए ।
मार्तडी कोल्टी सडकको दानसाँगुमा पुल नहुँदा वर्षा याममा कोल्टीसम्म नियमित सडक संचालनमा समस्या हुने गरेको छ ।