नागरिक रैबार/बाजुरा १० जेठ । बाजुराको सदरमुकाम मार्तडीमा बडीमालिका भक्तियोग समागम २०८२ सूरु भएको छ । जिल्लाको सदरमुकाम मार्तडीमा रहेको खेलकुद परिसरमा एक औपचारिक कार्यक्रमका विच  जिल्ला समन्वय समिति बाजुराका प्रमुख तुलसीराम रोकायाले उक्त कार्यक्रमको उद्धघाटन् गरेका हुन् ।

बडीमालिका भक्तियोग समागम मुल समारोह समिति मार्तडी बाजुराको आयोजनमा उक्त भक्तियोग कार्यक्रम सूरु भएको हो ।
विश्व प्रसिद्ध सर्वोच्च सिद्ध शक्ती पिठ बडीमालिका भगवतीको पावन भुमी सदरमुकाम मार्तडीमा यसै बाजुरा जिल्लाका सुपुत्र विश्व विख्यात धर्म गुरु अन्तराष्ट्रिय भागवत भुषण भक्ति योग फाउण्डेशन नेपालका संस्थापकाचार्य एवं परमाध्यक्ष श्री नारायण उपाध्याय परम् पुज्य सञ्जेल जी महाराजको पावन सन्धिध्यमा धर्म जागर,अध्यात्म चिन्तन्,आत्म शान्ति,संस्कृति संरक्षण,सुसंस्कारीत समाज निमार्ण र भक्ति योग धाम स्थापनाको पावन उदेश्यका साथ उक्त भक्ति योग समागम सूरु भएको हो ।
योग समागममा श्रीमत्भागवत् सप्ताह कथा,गीता ज्ञान,आत्म चिन्तन,भक्ति संगीत,मन्त्र साधना,श्रृगारीक मन्त्र आरती,ग्रह विज्ञान विचार,धर्म विज्ञान विश्लेष्ण,योग शिविर बाल विकास,मातृपितृ भक्ती,लगायत राष्ट्रिय चिन्तनका कार्यक्रम रहने आयोजक भक्तियोग फाउण्डेशन आयोजक मुल समारोह समिति मार्तडी बाजुराले जनाएको छ ।

आजबाट ९ दिनसम्म संचालन हुने कार्यक्रममा प्रतेक दिन विहान ५ बजेदेखि ७ बजेसम्म योग विज्ञान शिविर,१००८ शालिग्राम पुजन तथा परिक्रमा,विहान ७ बजे भागवत् पुजा दैनिक रुद्री पाठ परायण,११ बजेदेखि ४ बजेसम्म प्रवचन तथा विभिन्न भाषा भाषीका भजन किर्तन,श्रीमद्भागवतको दार्शनिक प्रवचन,बालबालीकाका लागी ५ बजेदेखि ६ बजेसम्म बाल संस्कार,गणेश चालिसा पाठ, साँझ ७ बजेदेखि १० बजेसम्म बृहत भागवत् चर्चा,राष्ट्रिय गित र दिव्य झाँकी प्रर्दशन लगायतका कार्यक्रम संचालन गरिने भएका छन् ।

विज्ञापन

बडीमालिका भक्ति योग समागमको पहिलो दिन आज कलस यात्रा गरेर कार्यक्रमको समृद्धघाटन गरिएको छ ।
बाजुराको सदरमुकाम मार्तडीमा पहिलो पटक हुन लागेको भक्तीयोग समागममा जिल्लाका समस्त गणमान्यहरुलाई निष्ठावान्,सामाजिक र धार्मीक कार्यक्रममा उपस्थितको लागी आग्रह समेत गरिएको छ । बिषेश गरि बाजुराका धार्मिक तथा पर्यटकिय क्षेत्रलाईलाई पहिचान गर्न उक्त कार्यक्रमको आयोजना गरिएको हो । बडीमालिका भक्तियोग समागम ९ दिन सम्म चल्ले भएको छ ।

समागम कार्यक्रममा बडीमालिका नगरपालिकाकी उपप्रमुख नन्दा कुमारी थापा, प्रमुख जिल्ला अधिकारी मेघनाथ पाध्या, राष्ट्रिय भुमि आयोगका अध्यक्ष जनक रोकाया लगायत मुल आयोजक समिति लगायत सदरमुकाम मार्तडीमा अवस्थित विद्यालयका शिक्षक विद्यार्थीहरु र भक्तजनहरुको सहभागिता रहेको थियो । कार्यक्रमको संचालन नेविसंघ बाजुराका अध्यक्ष जनक थापाले गरेका हुन् ।