नागरिक रैबार/बाजुरा ११ माघ। बाजुरामा भोलि शनिवार दिनभर विद्युत सेवा अवरुद्ध हुने भएको छ । बाजुरा वितरण केन्द्रले शुक्रवार एक सूचना जारी गर्दैै भोलि शनिवार विहान ८ बजेदेखि साँझ ५ बजेसम्म राष्ट्रिय प्रशारण लाइनको विद्युत सेवा अवरुद्ध हुने जनाएको छ ।

वितरण केन्द्रका अनुसार निर्माण सम्पन्न भई चार्ज समेत भइसकेको ३३।११ के. भिए बाजुरा सवस्टेशन देखि अछामको साँफेवगरसम्म ३३ के. भिए लाइनको ३ मिटर दायाबाँया लाइनमा छाएका रुखका हाँगाँबिगाहरु काट्ने कार्य भइरहेकाले शनिवार दिनभर विद्युत अवरुद्ध हुने भएको हो ।

विज्ञापन