नागरिक रैबार/बाजुरा ९ जेठ । बाजुराको बुढीगंगा नगरपालिकामा २ दिने नि:शुल्क आँखा शिविर संचालन हुने भएको छ । नेपाल नेत्रज्योति संघ र गेटा आँखा अस्पतालको आयोजनामा बाजुरा स्वास्थ्य चाैकी टाँटेमा यहि जेठ २० र २१ गते उक्त शिविर संचालन हुने भएको हो ।

२ दिन सम्म संचालन हुने उक्त शिविरमा मोतिविन्दु लगायत आँखाका रोगीहरुकाे निशुल्क अप्रेशन र आँखा सम्वन्धि चेकजाँच गरिने स्थानीय आयोजक बुढीगंगा नगरपालिकाले जनाएको छ।

शिविरमा आँखाका रोगिहरुले चेकजाँचका लागि आउँदा रु २० रुपैयाँ तिरेर आफ्नो नाम दर्ता गराउन आयोजकले आग्रह गरेको छ ।

त्यस्तै शिविरमा सेवा लिन आउने विरामीहरुले खाना र बासको व्यवस्था स्वयमले गर्नुपर्ने र अप्रेसन गर्नुपर्ने विरामीले एकजना अभिभावक अनिवार्य  ल्याउन समेत जानकारी गराएको छ ।