भिम रावलको पछाडी नलाग्नु, उनी बर्वादीको बाटोमा छन्: नेता थापा
देश/प्रदेश
भिम रावलको पछाडी नलाग्नु, उनी बर्वादीको बाटोमा छन्: नेता थापा
नागरिक रैबार
बिहिबार, माघ १०, २०८१
अ
अ
अ
नागरिक रैबार/बाजुरा १० माघ । नेकपा एमालेका स्थायी कमिटी सदस्य कर्णबहादुर थापाले पार्टीबाट निस्कासित भिमरावलका पछाडि नलाग्न एमालेका नेता कार्यक्रतालाई निर्देशन दिएका छन् ।
विहिबार नेकपा एमाले बडीमालिका नगर कमिटीको दोस्रो नगर अधिवेशनलाई सम्वोधन गर्दै नेता थापाले एमालेका नेता, कार्यकर्ताहरुलाई यस्तो निर्देशन दिएका हुन् ।
नेता थापाले भिम रावललाई पार्टीमै बस्न पटकपटक आग्रह गरेको भएपनि उनले आफु खुसी गरेर पार्टीबाट अलग्गिएको दावी गरे । उनले भने अहिले मातृभुमि जागरण अभियान भन्दै रावल कमरेड देश दौडाहामा हुनुहुन्छ, तर उनको त्यो अभियान महिनादिन सम्मपनि नटिक्ने थापाले ठोकुवा गरे ।
विज्ञापन
अहिले उहाँ (भिमरावल) मातृभुमि जागरण अभियान भन्दै देशप्रेमी नागरिकहरुलाई अलमलमा पारेर आफुतिर लाग्न प्रेरित गरेपनि उनि निश्चितप्राय बर्वादीको बाटोमा जान्छन् नेता थापाले भने ।
एमाले पार्टीका नेता कार्यकर्ताहरु अहिले भिमरावलका पछाडि लागेपनि पछि फर्केर एमालेमै आउने हुन् त्यसैले कोही पनि पछि एमालेमा फर्किनका लागि अहिले भिम रावलका पछाडि नलाग्नु उनले नेता थापाले भनेका छन् ।
भिम रावल पार्टीबाट अलग भए, अव त एमाले पार्टी सकिन्छ कि भन्ने तपाईहरुलाई लागेको होला त्यो भ्रममा नपर्नु होला, हामी नेतृत्व गर्छौ तपाईहरु साथ दिनुहोस उनले कार्यकर्तालाई आग्रह गरे।
धेरै चिन्ता नमान्नु होला, उहाँ एमालेमा नभएपनि हामी पार्टी बनाउने छौ, तपाईहरु अलमलमा नपर्नुस, हामी नेतृत्व दिन्छौ तपाईहरु ढुक्क हुनुहोस उनले भने, ।
फेसबुक प्रतिक्रियाहरु