बाजुरा मार्तडी-कोल्टी सडकमा करिव चार महिनापछि बससेवा पुनः सञ्चालनमा आएको छ । बर्षा र पहिरोका गएको असार पहिलो सातादेखि अवरुद्ध भएको बस सेवा मंगलबारदेखि पुनः स‌ंचालनमा आएको हो।

मार्तडीबाट महाकाली यातायात प्रालिको बस मंगलवार कोल्टीका लागि छुटेको छ। सडकका खसेको पहिरोलाई पन्छाएर सडक मर्मत गरेसंगै मार्तडी कोल्टी बस सेवा नियमित संचालन भएको बुढीनन्दा नगरपालिकाका नगरप्रमुख जनककुमार बोहराले जानकारी दिए ।

मार्तडी-कोल्टी क्षेत्रमा बससेवा संचालनमा आएसंगै तिहार मनाउन घर पुग्ने नागरिकहरुका लागि सहज भएको छ । बस सेवा सञ्चालनमा आएसँगै पूर्विउत्तरी क्षेत्रमा रहेका ४ स्थानीय तहसहित छिमेकी जिल्ला हुम्ला, मुगु र कालिकोटसम्मका यात्रुहरूलाई महेन्द्रनगर, धनगढी, नेपालगन्ज र काठमाण्डाैसम्मका स्थानमा जान सहज भएको हो। मार्तडी-कोल्टी बसको भाडादर ५ सय कायम गरिएको छ ।

विज्ञापन

यसअघि गत बर्षको ६ पुस २०८१ बाट औपचारिक रुपमा सदरमुकाम मार्तडीबाट कोल्टीसम्मको नियमित बस सेवा सूचारु गरिएको थियो ।