नागरिक रैबार/बाजुरा ४ फागुन । बाजुरामा बसको ठक्करबाट बालकको मृत्यु भएपछि साँफे-मार्तडी सडक खण्ड बन्द गरिएको छ ।
आइतबार विहान धनगढी बाट सदरमुकाम मार्तडी आउँदै गरेको सुदूरपश्चिम प्रदेश ०१-००१ ख ३६८८ नम्बरको बसले बुढीगंगा नगरपालिका- २ को बल्देबजार नजिकै ठक्कर दिँदा सोही नगरपालिका १ का अन्दाजि ५ वर्षका नयन पाध्याय र उनकी आमा विश्ना पाध्याय घाइते भएका थिए ।
बसको ठक्करबाट गम्भीर घाईते भएका ५ वर्षीय बालक नयनको उपचारका क्रममा जिल्ला अस्पताल बाजुरामा उपचार क्रममा मृत्यु भएको थियो । सोही घटनाको विषयलाई लिएर पीडित परिवारहरुले साँफे मार्तडी सडक खण्ड अवरुद्ध गरेको हो ।
सडक बन्द भएपछि काठमाण्डौं, धनगढी, महेन्द्रनगर, नेपालगञ्ज लगायत तराई जाने र बाजुरासम्म आवतजावत गर्ने सवारी साधन ठप्प भएका छन् ।
फेसबुक प्रतिक्रियाहरु