नागरिक रैबार/बाजुरा २ फागुन । जिल्लाको हिमाली गाउँपालिकाका विभिन्न वडाका गाउँगाउँमा विद्युतको पहुँच पुगाउनका लागि लाईन विस्तार गर्ने काम धमाधम भईरहेको छ ।
हिमाली गाउँपालिका–६ को धिम, बोल्डिक र १, २ र ३ नम्वर वडाका गाउँ– गाउँमा विद्युतको लाइन विस्तार गर्ने गरी धमाधम काम भईरहेको छ ।
अवको केही महिनाभित्र यहाँका नागरिकहरुलाई विद्युतको पहुँचमा ल्याउनका लागि अहिले यि वडाका गाउँहरुमा विद्युत लाईन विस्तार गर्नका विजुलीको तार र पोल गाड्ने काम भईरहेको गाउँपालिकाका निमित्त प्रमुख प्रशासकीय अधिकृत राजबहादुर भण्डारीले बताएका छन् । उनका अनुसार अबको केही महिनापछि यहाँका स्थानीयहरु बिजुली बत्तीको पहुँचमा आउने भएका छन ।
विज्ञापन
उज्यालो हिमाली बनाउने अभियानलाई साकार पार्न अहिले गाउँपालिकाका अध्यक्ष गोविन्द बहादुर मल्ल निरन्तर लागिपरेका छन् ।
वडा नम्वर ६ को धिम बोल्डीकमा कवाडी खोला लघुजलविद्युत र वडा नम्वर १, २ र ३ नम्वर वडामा कादुरी संस्थाको सहयोगमा निर्माण भएको नातीखोला लघुजलविद्युत आयोजनाबाट विद्युत सेवा विस्तार गर्न लागिएको गाउँपालिकाले जनाएको छ ।
वर्षौ देखि सल्लाको झरोको सहाराले अँध्यारोमा बस्दै आएका नागरिकहरु गाउँमा विद्युत सेवा विस्तार हुन लागेपछि खुसी भएका छन् ।
फेसबुक प्रतिक्रियाहरु