नागरिक रैबार/बाजुरा २० साउन। बडीमालिका नगरपालिकाले मंगलबार सार्वजनि विदा दिएको छ ।  सरकारी टोली बडीमालिकाको पुजाका लागि सामाग्री सहित प्रस्थान गरेपछि सो अवसरमा आज सार्वजनिक विदा दिएको हो।

बडीमालिकाका लागि आज अर्थात साउन २० गते सरकारी टोली पुजा सामग्री सहित बडीमालिका जाने र साउन २३ गते बडीमालिकामा पुजा लाग्ने भएकाले मंगलबार र शुक्रबार सार्वजनिक विदा दिएको हो ।

सोमबार बसेको नगरकार्यपालिका बैठकको निर्णयअनुसार जात्राको प्रारम्भ साउन २० गते हुने भएकाले सो दिन सार्वजनिक विदा दिइने नगरपालिकाले जनाएको छ ।

विज्ञापन

नगरपालिका अन्तर्गतका वडा कार्यालय, स्वास्थ्य संस्था, सामुदायिक तथा निजी विद्यालयहरूमा बिदा लागु हुने जनाइएको छ ।
बडीमालिका मन्दिर बाजुरा जिल्ला मात्र नभई देशकै एक प्रमुख धार्मिक तथा पर्यटकीय गन्तव्यस्थल हो, जहाँ प्रत्येक वर्ष शुक्ल चतुर्दशीका दिन भव्य मेला लाग्छ ।