नागरिक रैबार/बाजुरा २२ माघ । प्रेस चौतारी नेपाल जिल्ला समिति बाजुराले हरेक वर्ष प्रदान गर्दै आएको विनोद विक स्मृति पत्रकारिता पुरस्कारबाट यस वर्ष पत्रकार लक्ष्मीराज पाध्याय र कमला चंदारालाई प्रदान गरिएको छ ।

प्रेस चौतारी नेपाल बाजुराका संस्थापक विनोद कुमार विकको सम्मान र सम्झनामा स्थापना गरिएको विनोद स्मृति पत्रकारिता पुरस्कारबाट २ जना पत्रकार सम्मानीत भएका हुन् ।

प्रेस चौतारी नेपाल जिल्ला समिति बाजुराको आयोजनामा मंगलबार आयोजना गरिएको छैटौं जिल्ला अधिवेशन तथा २७ औं स्थापना दिवसको अवसरमा बडीमालिका खवरमा कार्यरत पत्रकार लक्ष्मीराज पाध्याय र रेडियो बाजुरामा कार्यरत कमला चंदारालाई नगद ५ हजार ५ सय ५५ सहित सम्मानित गरिएको प्रेस चौतारी बाजुराका अध्यक्ष मदन विकले बताएका छन् ।

विज्ञापन

प्रेस चौतारी बाजुराले प्रत्येक वर्ष स्थापना दिवसको अवसरमा प्रेस चौतारीमा आवद्ध भई पत्रकारिता क्षेत्रमा क्रियाशिल रहेर निरन्तर योगदान पुर्याउने १ महिला र एक पुरुष गरी २ जनालाई चौतारीको संस्थापक स्वर्गिय विनोद कुमार विकको स्मृतिमा पुरस्कार प्रदान गर्ने गरेको थियो ।

चौतारीको छैटौ जिल्ला अधिवेशन तथा २७ औं स्थापना दिवसको अवसरमा प्रदान गरिएको पुरस्कार कार्यक्रमका प्रमुख अतिथि नेकपा एमाले जिल्ला कमिटी अध्यक्ष लालबहादुर ओलीले पत्रकार पाध्याय र चंदारालाई दोसल्लासहित सम्मानित गरेका थिए ।