बाजुराको कोल्टीमा आईपुगे अभियान्ता सुनार, दलित जागरण सभामा सम्बोधन गर्ने
समाचार
बाजुराको कोल्टीमा आईपुगे अभियान्ता सुनार, दलित जागरण सभामा सम्बोधन गर्ने
नागरिक रैबार
मङ्लबार, जेष्ठ २१, २०८२
अ
अ
अ
नागरिक रैबार/बाजुरा २३ बैशाख । दलितका लागी दलित अभियानका संयोजक तथा सामाजिक अभियान्ता खगेन्द्र सुनार बाजुराको कोल्टीमा आईपुगेका छन् ।
दलित समुदायको हक हितका लागि पहिलोपटक बाजुराको कोल्टीमा आईपुगेका सुनारले भोलि हुने दलित जागरण सभालाई सम्बोधन गर्ने भएका हुन् ।
मंगलबार जिल्ला सदरमुका मार्तडी हुँदै कोल्टी पुगेका सामाजिक अभियान्ता सुनारलाई कोल्टी क्षेत्रका नागरिकहरुले फुलगुच्चा, खादा र फुलमाला लगायर स्वागत गरेका हुन् ।
विज्ञापन
जातीय भेदभाव तथा छुवाछुत उन्मुलन राष्ट्रिय दिवसको अवसरमा उक्त कार्यक्रमको आयोजना कोल्टीमा गरिने भएको हो ।
जिल्लाका दलित समुदायहरुले संविधानमा उल्लेख भए अनुसारका हक अधिकारमा यहाँका स्थानीय तहदेखि राज्य संयन्त्रले बन्चित गरेको भन्दै दलित समुदायको आम सहभागितामा जागरण सभाको आयोजना गरिन लागेको हो ।
शिक्षा र जनचेतनाको विकास भएसँगै बाजुरा जिल्लामा समेत दलित समुदाय अहिले आफ्ना हक र अधिकारको खोजी गर्दै आवाज उठाउन अग्रसर भएका छन् ।
संविधानमै उल्लेख गरिएका अधिकार पनि प्रत्येक्ष अनुभुति गर्न नपाएकोले यसका विरुद्ध बाजुराका दलित समुदायहरु एकजुट गराउन पहिलोपटक जागरण सभा गर्न लागिएको कार्यक्रम संयोजक दिपक कडाराले बताएका छन् ।
दलित समुदायलाई संविधानमा उल्लेख भएका अधिकारबाट राज्यसहितका संयन्त्रहरुमा स्थान नदिएको भन्दै यसका विरुद्ध दलित समुदाय एकजुट हुन्का लागि पनि यो कार्यक्रम गर्न लागिएको कार्यक्रम संयोजक कडाराले बताए ।
कोल्टीमा हुने जातीय भेदभाव तथा छुवाछुत विरुद्धको वृहत जागरण सभामा पुर्वीउत्ततरी क्षेत्रका ४ वटै पालिकाका दलित समुदायका नागरिकहरु कोल्टीमा पुगेका छन् ।
यसै गरि यहि २३ गतेका दिन बाजुराको सदरमुकाम मार्तडीमा समेत जिल्ला दलित नेटवकर्क बाजुराको आयोजनामा बृहज दलित जागरण सभाको आयोजना हुने भएको छ ।
फेसबुक प्रतिक्रियाहरु