नागरिक रैबार/बाजुरा २१ माघ। नेकपा एमाले निकट पत्रकारहरुको संगठन प्रेस चौतारी नेपाल बाजुरा शाखाको छैटाैँ जिल्ला अधिबेशन भोलि माघ २२ गते  हुने भएकाे छ ।

बाजुरा शाखाले संगठनकाे स्थापना दिवसकाे अवसर पारी स्थापना दिवसकै दिन माघ २२ गते नै छैटाै जिल्ला अधिबेशन गर्ने भएकाे हाे । बाजुरा शाखाकाे आज बिहान सम्पन्न बैठकले माघ २२ गते नै अधिबेशन स‌ंगै संगठनकाे स्थापना दिवस पनि मनाउने निर्णय गरीएकाे प्रेस चाैतारी नेपाल जिल्ला संगठन बाजुराका अध्यक्ष मदन विकले बताएका छन ।

जिल्ला शाखाले हरेक बर्ष स‌गठनकाे स्थापना दिवसकाे अवसरमा दिदै आएकाे बिनाेद स्मृती पत्रकारीता पुरस्कार र कृयाशिल महिला पत्रकार पुरस्कार पनि २७ औँ स्थापना दिवसकाे अवसरमा दुइ जना पत्रकारलाइ दिने निर्णय गरिएकाे प्रेस चाैतारी जिल्ला शाखा बाजुराका सचिव रमित विकले बताएका छन ।

विज्ञापन

प्रेस चाैतारी जिल्ला समिति बाजुराका अध्यक्ष मदन विककाे अध्यक्षतामा संचालन भएकाे बैठकमा प्रेस चाैतारी केन्द्रीय सदस्य बसन्त विश्वकर्मा र बिमला रावल, सुदुरपश्चिम प्रदेश कमिटी सदस्य लक्ष्मीराज पाध्याय, शाखाका सस्थापक अध्यक्ष प्रकाश सिंह, जिल्ला शाखाका पदाधिकारी लगायत सदस्यहरुकाे सहभागीतामा बैठक सम्पन्न भएकाे सचिव विकले बताएका छन ।