नागरिक रैबार। बाजुराको बुढीनन्दा नगरपालिका १ मा अवस्थित काेल्टी आधारभुत अस्पतालले नगरपालिकाभित्रका विपन्न परिवारका नागरिकहरुको उपचार समस्यालाइ मध्येनजर गरेर अस्पतालमा आउने विरामीहरुलाई उपचारमा २० प्रतिशत छुट दिने निर्णय गरेकाे छ ।

बुढीनन्दा नगरपालिकाका नगरप्रमुख तथा कोल्टी आधारभुत अस्पताल व्यवस्थापन समितिका अध्यक्ष जनक कुमार बाेहराको अध्यक्षतामा हिजो बसेको बैठकले यस्तो निर्णय गरेको हो ।

विज्ञापन

बैठकले नगरभित्रका बिपन्न, हलिया, खलिया, दलित, जनजाति, फरक क्षमता भएका व्यक्ति, एकल महिला,जेष्ठ नागरिक, आर्थिक रुपले बिपन्न विरामी, महिला सामुदायिक स्वास्थ्य स्वयंसेविकाहरुलाई कोल्टी आधारभुत अस्पतालबाट प्रदान गरिने नि:शुल्क आधारभुत स्वास्थ्य सेवा वाहेकका अन्य स्वास्थ्य सेवाहरुमा २० प्रतिशत र अस्पताल फार्मेशीबाट लिईने औषधीको शुल्कमा १० प्रतिशत छुट दिने निर्णय गरेको कोल्टी आधारभुत अस्पतालमा कार्यरत स्वास्थ्यकर्मी प्रेम नेपालीले बताएका छन् ।

कोल्टी आधारभुत अस्पताल व्यवस्थापन समितिले २० प्रतिशत छुट दिएर स्वास्थ्य सेवा दिने निर्णय गरेपछि  बुढीनन्दा नगरपालिका भित्रका हलिया, खलिया, दलित, जनजाति, फरक क्षमता भएका व्यक्ति, एकल महिला, जेष्ठ नागरिक, आर्थिक रुपले बिपन्न विरामी र महिला सामुदायिक स्वास्थ्य स्वयंसेविकाहरु लाई स्वास्थ्य सेवा प्रदान गर्न सजिलो हुने स्थानीयले बताएका छन् ।

पुर्विउत्तरी क्षेत्रका बुढीनन्दा नगरपालिकासहित ४ स्थानीय तह र छिमेकी जिल्ला मुगु र हुम्लाका विरामीहरु समेत यस अस्पतालबाट उपचार सेवा लिने गरेका छन् ।