स्वामीकार्तिक खापरको उपाध्यक्षमा नेकपा (एस) बाट शाही सिफारिस
बाजुरा बिशेष
स्वामीकार्तिक खापरको उपाध्यक्षमा नेकपा (एस) बाट शाही सिफारिस
नागरिक रैबार
शुक्रबार, कार्तिक ३०, २०८१
अ
अ
अ
नागरिक रैबार/बाजुरा ३० कार्तिक। नेकपा एकिकृत समाजवादी पार्टी स्वामीकार्तिक खापर गाउँ कमिटीले गाउँपालिकाको उपाध्यक्ष पदमा जवा शाहीलाई उम्मेदवार बनाउने गरि जिल्ला कमिटीमा सिफारिस गरेको छ ।
गाउँपालिकामा मंसिर १६ गते हुने उपनिर्वाचनका लागि नेकपा एकिकृत समाजवादी बाट उपाध्यक्ष पदमा शाहीलाई एकल रुपमा उम्मेदवार बनाउने गरि गाउँ कमिटीले जिल्ला कमिटीमा सिफारिस गरेको हो ।
पार्टीको गाउँ कमिटीले उपाध्यक्ष पदका लागि जवा शाही, हिजुमता बुढा धामी र शान्ति नेपालीसहित ३ जना मध्यबाट जवा शाहीलाई सर्वसम्मत रुपमा जिल्ला कमिटीमा एकल सिफारीस गरेको हाे ।
विज्ञापन
शाहीलाई गाउँ कमिटीले उपाध्यक्ष पदका लागि जिल्ला कमिटीमा सिफारिस गरेको र भोलिको जिल्ला कमिटीको बैठकबाट उम्मेदवारको टुंगो लगाउने पार्टीका जिल्ला अध्यक्ष पुरबहादुर रावतले बताएका छन् ।
यस्तै गाउँपालिकाको उपाध्यक्षमा यस अघि नेकपा एमालेबाट सुलोचना बुढा, नेपाली काँग्रेसबाट पुल्तीसरा शाही र नेकपा माओवादी केन्द्रबाट राजुकुमारी बिक उम्मेदवार बनेकी छन् ।
०७९ मा कांग्रेसबाट उपाध्यक्षमा निर्वाचित मैना जोशीको गत माघमा निधन भएकाले उक्त पालिकामा उपनिर्वाचन हुन लागेको हो ।
फेसबुक प्रतिक्रियाहरु