नागरिक रैबार/बाजुरा २१ मंसिर।बाजुराकाे स्वामीकार्तिक खापर गाउँपालिकाकी नवनिर्वाचित उपाध्यक्ष सुलोचना भण्डारी (बुढा) ले पदभार सम्हालेकि छन् ।

शुक्रबार गाउँपालिकाका अध्यक्ष भरतबहादुर राेकायाले पद तथा गाेपनियताकाे सपथ ग्रहण गराएसंगै उपाध्यक्ष बुढाले पदभार सम्हालेकि हुन् ।

पदभार सम्हाल्दै उनले भनिन् आफू पदमा रहँदासम्म जनताको सेवामा तल्लिन भएर लागिरहने बताएकी छिन् । गाउँपालिका बासीले दिएकाे जनमतलाई सिराेपर गरि यहाँका जनताको सेवामा सँधै लागिरहन्छु उनले भनिन् ।

विज्ञापन

२०७९ मा निर्वाचित मैना जाेशीकाे गत माघमा निधन भएपछि साे पदमा १६ मंसिर २०८१ मा उपाध्यक्षका लागि उपनिर्वाचन भएकाे थियाे ।
नवनिर्वाचित उपाध्यक्ष बुढा एमालेबाट विजयी भएकी थिईन् ।