नागरिक रैबार/बाजुरा १७ असोज। बाजुरामा मंगलबार दिउसो देखि अवरुद्ध बनेको नेपाल टेलिकमको एनटी फाइबर इन्टरनेट सेवा सूचारु भएको छ । ३ दिनदेखि अवरुद्ध एनटी फाइबर इन्टरनेट सेवा विहिबार साँझदेखि सुचारु भएको हो ।
मंगलबार दिउसो बुढीगंगा नगरपालिकाको बल्देमा फाइवर नेटको तार चुडिएपछि जिल्लामा इन्टरनेट सेवा अवरोध भएको थियो । बल्दे नजिकै राष्ट्रिय प्रसारण लाईन अन्तर्गत नेपाल विद्युत प्राधिकरणका कर्मचारीहरुले विद्युतको लाईन विस्तार गर्ने क्रममा इन्टरनेट सेवाको तार चुटािएपछि सदरमुकाममा इन्टरनेट सेवा अवरुद्ध भएको थियो ।
नेपाल टेलिकम बाजुरा शाखा कार्यालयका अनुसार चुडिएको तार धनगढीबाट आएको प्राविधिक टोलिले जडान गरेपछि सेवा सूचारु भएको । दशैंको मुखैमा इन्टरनेट सेवा अवरुद्ध भएपछि सदरमुकाम मार्तडीमा रहेका सरकारी तथा गैरसरकारी कार्यालयसंगै बैक तथा वित्तिय संस्थाहरुका दैनिक कामकाज प्रभावित भएको थियो ।
फेसबुक प्रतिक्रियाहरु