नागरिक रैबार/बाजुरा १७ मंसिर  स्वामीकार्तिक खापर गाउँपालिकाको उपाध्यक्ष पदमा एमालेकी उम्मेदवार सुलोचना भण्डारी बुढा विजयी भएकि छन् ।
बुढाले एक हजार ७४० मत ल्याएर विजयी भएकि हुन् । भने काँग्रेसकी पुल्तिसरा शाहीले एक हजार ४७४ मत ल्याएकी छन्। एमालेकि बुढाले काँग्रेसकी  शाहीलाई दुई सय ६६ मतले पराजित गर्दै गाउँपालिकाको उपाध्यक्ष पदमा निर्वाचित भएको मुख्य निर्वाचन अधिकृत संजीव पोखरेलले बताएका छन् ।
उनले दिएको जानकारी अनुसार नेकपा एकिकृ समाजवादीकी जवा शाहीले ३५३ मत ल्याउनु भएको छ । भने १३६ मत बदर भएका छन् ।
सात हजार ७सय ६० मतदातामध्ये तीन हजार ९०३ मत खसेको थियो ।

२०७९ को स्थानीय तहको निर्वाचनमा नेपाली काँग्रेसकी उम्मेदवार मैनादेवी जोशीसंग पराजित भण्डारीले २०८१ को उपनिर्वाचनमा जित्नु भएको हो । गाउँपालिकाकी तत्कालिन उपाध्यक्ष जोशीको २०८० माघ ४ गते निधन भएपछि यहाँ उपनिर्वाचन भएको हो ।
निर्वाचित गाउँपालिकाकी उपाध्यक्ष बुढालाई आज प्रमाण पत्र प्रदान गर्ने कार्य रहेको मुख्य निर्वाचन अधिकृतको कार्यालय स्वामीकार्तिकले जनाएको छ ।

विज्ञापन