नागरिक रैबार/बाजुरा १ असोज।बाजुरामा भर्खैरै आउनु भएका नयाँ प्रमुुख जिल्ला अधिकारी (सिडियो) भिमकान्त पौडेललाई बडीमालिका नगरपालिकाले स्वागत गरेको छ ।
बडीमािलका नगरपालिकाका नगरप्रमुख अमरबहादुर खड्का लगायत नगरपरिवारको तर्फबाट सोमबार सिडियो पौडेललाई नगरपालिकाको कार्यालयमा एक औपचारिक कार्यक्रमका विच स्वागत गरिएको हो ।
सिडियो पौडेललाई टिका र माला लगाएर स्वागत गर्दै नगरप्रमुख खड्काले जिल्लाको शान्ति सुरक्षा र सु-व्यवस्था कायम राख्न प्रशासन र स्थानीय तहविच समन्वयकारी भुमिका निर्वाह गर्दै अगाडि बढ्ने बताएका थिए ।
विज्ञापन
नगरपालिकाले गरेको स्वागतपछि सिडियो पौडेलले जिल्लाको आर्थिक तथा सामाजिक विकाससंगै समग्र शान्ति सुरक्षालाई सुव्यवस्थित बनाउन आफ्नो कार्यकाल अवधिभर यहाँका स्थानीय तहका जनप्रतिनिधिहरुका साथै सरोकारवाला निकायहरुसग समन्वय गरेर अगाडि बढ्ने बताएका छन् ।
यस अघिका तत्कालिन सिडियो पुष्कर खड्का बाजुराबाट सरुवा भइ डडेल्धुरा जिल्लाको सहायक सिडियोको जिम्मेवारी सम्हाल्ने गरी गएका छन् भने उनको ठाउँमा पाैडेल आएका हुन् । पाैडेलले यस अघि पर्सा जिल्लाको सहायक सिडियो भइ काम गरेका थिए।
फेसबुक प्रतिक्रियाहरु